TUMO Labs-ը 2021-ը սկսել է նոր համագործակցությամբ։ Հայաստանի ազգային ագրարային համալսարանի հետ համատեղ նախագիծն արդեն մեկնարկել է. գյուղատնտեսական ոլորտը կամաց-կամաց թվայնացվում է։ Ծրագիրն իրենից ենթադրում է տեխնոլոգիական նորարարությունների միջոցով գյուղատնտեսությունը զարգացնելու հնարավորություն։
Ագրարային ճարտարագիտության ֆակուլտետի ուսանողները մեկ ամիս տևող պիլոտային ծրագրի ընթացքում ստեղծելու են փոքր IoT սարք և բույսերի աճի կառավարման համակարգ, որը սենսորների օգնությամբ կորոշի հողի խոնավության աստիճանը և ըստ անհրաժեշտության՝ ավտոմատ կերպով կջրի այն։
Այս ամենի համար ուսանողներն օգտագործելու են Arduino, C և C++ ծրագրավորման լեզուները։