«Ձեռնարկությունների ինկուբատոր» հիմնադրամը շարունակում է ներկայացնել «Ձեռներեց կանանց հնարավորությունների ընդլայնումն ու առաջխաղացումը ոչ տեխնոլոգիական ոլորտներում՝ տեխնոլոգիական լուծումների կիրառման միջոցով» ծրագրի աքսելերացիոն փուլի մասնակիցների բիզնես գաղափարները։
Ծրագրի շրջանակում հաջորդ թիմի ներկայացրած բիզնես նախագիծն առնչվում է հեղուկ-բյուրեղային պոլիմերների նյութերի հետ աշխատելու համար սարքերի նախագծմանն ու պատրաստմանը, ինչպես նաև դրանց առևտրայնացմանը: Ի դեպ, հեղուկ-բյուրեղային պոլիմերներն ընկած են 21-րդ դարի տեխնոլոգիական հեղափոխության հիմքում, մասնավորապես՝ հեռահաղորդակցության, օպտիկայի, ֆոտոնիկայի և այլն: