Գյումրու տեխնոլոգիական կենտրոն
Organizations 22-08-2018 17:30

Գյումրու տեխնոլոգիական կենտրոնը (GTC)-ը հիմնադրվել է Ձեռնարկությունների Ինկուբատոր Հիմնադրամի, ՀՀ Կառավարության և Համաշխարհային Բանկի կողմից։ Այն համարվում է տարածաշրջանում ամենամեծ տեխնոլոգիական ինկուբատորը։

GTC-ի առաքելությունն է Գյումրին դարձնել տեղեկատվական և բարձր տեխնոլոգիաների միջազգային և տարածաշրջանային կենտրոն։ Այն միտված է աջակցելու տաղանադավոր երիտասարդներին և ընկերություններին՝ նորարարական բիզնես գաղափարներն իրականացնելու գործում։ Բացի այդ, կենտրոնը ստեղծում է նոր հնարավորությունների և ծառայությունների միջավայր։

Այն իրականացնում է բազմաթիվ կրթական ծրագրեր՝ կազմակերպելով ոլորտային դասընթացներ, համագործակցելով տեղական և միջազգային կրթական հաստատությունների հետ, իրականացնելով փոխանակման ծրագրեր և այլն։

ԳՏԿ-ում գործում են մուլտիմեդիոն, ճարտարագիության և մաքուր տեխնոլոգիաների լաբորատորիաները։

GTC-ն նաև օգնում է գործարարներին զարգացնել բիզնեսը՝ օգտագործելով նորարար տեխնոլոգիաները։ Մասնավորապես այստեղ գործարարները կարող են ձեռք բերել մասնագիտական հմտություններ՝ իրենց ապրանքը միջազգային շուկա արտահանելու, այդ շուկան ուսումնասիրելու համար։ Այստեղ կարելի է զարգացնել նոր հմտություններ, գտնել գործընկերներ և ներդրողներ։

GTC-ն տրամադրում է նաև օֆիսային տարածք, հանդիպումների սենյակ և գիտաժողովների համար դահլիճ։

Մանրամասների համար կարելի է այցելել GTC-ի պաշտոնական կայք՝ www.gtc.am կամ ֆեյսբուքյան էջ։

Կենտրոնի հասցեն՝ Գյումրի, Գայի 1 փ, հեռ՝ +374 55 135 558, +374 31 259 754։