Հուլիսի 3-5-ը Արցախում անցկացված TechWeek ամենամյա միջոցառման շրջանակում կազմակերպվել էր «Կորիզ» զարգացման գաղափարների մրցույթը, որի գլխավոր նպատակն էր համայնքային համաչափ շարունակական զարգացում:

Յուրաքանչյուր մասնակից-թիմ ուներ գաղափար, որը կարող է նպաստել Արցախի զարգացմանը, կամ արդեն ուներ որևէ լուծում և աջակցություն էր փնտրում, կարող էր մասնակցել մրցույթին։

Մրցանակային երկրորդ տեղի համար սահմանված էր 1000 դոլար ֆոնդ, որը ֆինանսավորում էր Գյումրիի տեղեկատվական տեխնոլոգիաների կենտրոնը (GITC)։

Մրցանակը տրվել էր breengy հավելվածին։ Ծրագրի նպատակն է նույն ճանապարհը կիսել այլ մարդկանց հետ՝ վճարելով ավելի քիչ գումար, քան միայնակ երթևեկելիս։ Այն արդեն պատրաստ գործարկման, և պիլոտային ծրագրի մեկնարկը տրվելու էր Ստեփանակերտից, որպեսզի մարդիկ ավելի մատչելի եղանակով կարողանան Հայաստան գալ։