Հուլիսի 4-ին Հայաստանում ֆրանսիական համալսարանում (ք․ Երևան, Դավիթ Անհաղթի 10) տեղի կունենա EdTech2022 համաժողովը՝ «Արհեստական բանականություն. կրթահարցեր և տեխնոպատասխաններ» խորագրով։

«ԿԱԶԱ» շվեյցարական մարդասիրական հիմնադրամի և Հայաստանում ֆրանսիական համալսարանի (ՀՖՀՀ) կողմից համատեղ կազմակերպվող այս համաժողովը, համագործակցային պրոդուկտների և շարունակական գործընկերության հարթակի զարգացմամբ, նպատակ ունի  ընդլայնելուEdTech2021-ի շրջանակներում ձևավորված կրթական և տեխնոլոգիական համայնքների երկխոսությունը։

EdTech2022 համաժողովի պաշտոնական բացմանը ողջույնի խոսքով հանդես կգանՀայաստանում Ֆրանսիայի արտակարգ և լիազոր դեսպան տիկին Անն Լույոն, ՀՖՀՀ ռեկտոր պրոֆեսոր Բերտրան Վենարը, «ԿԱԶԱ» հիմնադրամի տնօրեն Տաթևիկ Բաղդասարյանը:

Համաժողովինզեկույցներով հանդես կգանՔրիստինա Սարգսյանը (ՀՖՀՀ ինֆորմատիկայի և կիրառական մաթեմատիկայի ֆակուլտետի դեկան, տեխ․գ․թ․) և Արամ Եսայանը (ՀՖՀՀ մաթեմատիկայի ամբիոնի վարիչ, հետազոտությունների պատասխանատու, ԻԱՊԻ գիտաշխատող), որոնքկներկայացնեն ոլորտի առանցքային հարցադրումները։ Կրթատեխնոլոգիական կառույցների (« Հավասար կրթական հիմնադրամ »,« TakeAR », « ՔայլՏեք », « ՀԲԸՄ հայկական վիրտուալ համալսարան», « Դասավանդի՛ր, Հայաստան ») ներկայացուցիչները կկիսվեն  ֆորմալ, ոչ ֆորմալ կրթական համակարգերում և գործընթացներում տեխնոլոգիական լուծումների, գործիքների կիրարկման իրենց փորձով։

Նախատեսվող երկու պանելային քննարկումների ընթացքում անդրադարձ կկատարվի արհեստական բանականությամբ ապագայի համար կրթական և տեխնոլոգիական ոլորտների երկխոսության զարգացման  առաջնահերթություններին։ Պանելային քննարկումների մասնակիցների թվում են ոլորտի փորձագետներ տարբեր կազմակերպություններից  (մանրամասները՝ օրակարգում)։