Գիտական ինկուբացիայի ծրագրի միջազգային հայտերի ընդունման 5-րդ փուլի շրջանակում օգոստոսի 5-ին կկազմակերպվեն առցանց տեղեկատվական հանդիպումներ՝ բոլոր հետաքրքրված թեկնածուներին ծրագրի մասին առավել մանրամասն տեղեկություններ տրամադրելու նպատակով:

Առաջին տեղեկատվական հանդիպումը (անգլերենով) տեղի կունենա ժամը 14։00-ին (Երևանի ժամանակով), երկրորդը (հայերենով)՝ ժամը 15։00։

Գիտական ինկուբացիայի ծրագիրն իրականացվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ: Ծրագրի 5-րդ փուլով միջազգային հայտերի ընդունման վերջնաժամկետը՝ օգոստոսի 15, 2022թ․: Իմացեք ավելին այստեղ: