Հունիսի 26-ին Դիլիջանում ավարտվեց Նորարարության զարգացման և Մարզային համաֆինանսավորման դրամաշնորհների “Վենչուրային համաժողով”-ը։
Բացօթյա ձևաչափով անցկացվող երկօրյա միջոցառման ընթացքում մրցույթի նախնական ընտրության փուլը հաղթահարած 20 թիմերն ու սկսնակ ընկերությունները պետական ու մասնավոր կառույցների ներկայացուցիչներից ձևավորված մասնագիտական ժյուրիին ներկայացրեցին իրենց նորարարական գաղափարները։
Իրենց գործարար ներկայացումներով հանդես եկավ մրցույթի կարճ ցուցակ անցած մասնակիցների 2-րդ 10-նյակը։
Միջոցառման ողջ ընթացքը հեռարձակվել է առցանց (LIVE) ձևաչափով, որի տեսագրությունները կարող եք տեսնել EIF Facebook-յան էջում և Youtube-ում։
Հիշեցնենք, որ Համաֆինանսավորվող դրամաշնորհների մրցույթը կազմակերպվում է «Ձեռնարկությունների ինկուբատոր» հիմնադրամի կողմից, ՀՀ կառավարության և ՀՀ բարձր տեխնոլոգիական արդյունաբերության նախարարության աջակցությամբ՝ Համաշխարհային Բանկի «Առևտրի խթանման և որակի ենթակառուցվածքի» ծրագրի շրջանակում։
