BigStory վենչուրային հիմնադրամն արդեն 19 ներդրում է արել հայ հիմնադիրներով ստարտափներում: Ներդրումների ընդհանուր ծավալը կազմում է 4.2 միլիոն դոլար՝ միջինում 220 հազար դոլար:
«Ստարտափները, որոնցում BigStory-ն ներդրումներ է արել, տարբեր խնդիրներ են լուծում ու ոլորտային լայն շրջանակ ներառում՝ AI, HealthTech, Music, Video, Productivity, Radars, Quantum, LegalTech, Recruitment, Cloud», – նկատում է հիմնադրամի համահիմնադիր Դավիթ Բաղդասարյանը:
Հիշեցնենք՝ մինչ այս հայ հիմնադիրներով BigStory վենչուրային հիմնադրամը ներդրումներ է արել Docus, Zoomerang, SleepDoctor, Prelaunch, WildLearner, Prodmap, MyThrill, Stylebit, Viralmango, Pearch, Gemy, Cloudchipr, SynthFlow, Waveye, Corpora, Starshunt, Audigo, ValueSense և B4 ստարտափներում:
Հիշեցնենք՝ BigStory VC հիմնադրամը ստեղծվել է 2021-ի վերջին Krisp-ի համահիմնադիրներ Դավիթ Բաղդասարյանի, Արտավազդ Մինասյանի և Podcastle AI-ի հիմնադիր Արտո Երիցյանի կողմից:
